laat weet

info

ander studies

vertel      

      epos

homepage

antwoordblad

donasies

B

Y

B

E

L

S

T 

U

D

I 

E

A

A

N

L

Y

N 

W

E

E

K

4

 ..Verruim jou ingeligte opinie met lekker, kreatiewe aflaai&eposgesels Bybelstudies..!

Deel saam met ons in die gebed:

Here, dankie dat Jy saam met die opdrag dat ons moet vergewe ook vir ons die wíl gegee het om te vergewe en die gáwe om te kán vergewe!

Dankie dat Jy deur die gawe om te kan vergewe ons lewens vry maak van bitterheid en kwaadwilligheid! Dankie dat ons nie ons lewens hoef te skaad deur dit te wy aan 'n obsessie om wraak te neem, om reg in eie hande te neem en mense terug te kry vir wat hulle ons aandoen nie..

Aan die ander kant mag ons ook nie vergifnis as verskoning gebruik om traag te wees om deur die regte kanale reg en geregtigheid te laat geskied en die boosheid tussen ons uit te roei nie!

Gee ons tog moed en 'n heilige toorn wat deur die liefde aangevuur word - om rekenskap te eis van die kwaad-williges in ons samelewing; om hulle deur die owerheid te laat vervolg en te laat boet en so 'n voorbeeld van hulle te maak - sodat almal kan leer om Jou Wet te respekteer..

Dit bid ons nie in ons eie name nie, want in ons eie name staan ons elkeen skuldig en verdien ons die ewige dood. Ons bid dit in die Naam waarin ons vergewe is: In Jou Naam, Here Jesus! Amen.

In ons Bybelstudie oor vergewe kyk ons dié week wat ons kan leer uit die "Ons Vader" gebed, waar die Here Jesus ons tot die allerhoogste Regter leer bid: "..vergeef ons ons oortredings - SOOS - ons ook dié vergewe wat teen ons oortree.."

In Matt 6:9-12 leer die Here Jesus ons: “So moet julle bid: Ons Vader wat in die hemel is, laat u Naam geheilig word; laat u koninkryk kom; laat u wil ook op die aarde geskied, net soos in die hemel. Gee ons vandag ons daaglikse brood; en vergeef ons ons oortredings  SOOS  ons ook dié vergewe wat teen ons oortree”

Vra jouself af..

Wat beteken: "..vergeef ons ons oortredings  SOOS  ons ook dié vergewe wat teen ons oortree"?

Beteken dit dat God óns voorbeeld sal volg wanneer Hy ons vergewe..?

Beteken dit as ek maar net oë toedruk en niemand ooit enige sonde toereken nie, dan sal God ook maar net oë toedruk en my ook nooit enige sonde toereken nie?

Beteken dit as ek diewe maar laat begaan en hulle vergewe sonder om hulle te straf of in die hof teen hulle te getuig, sal God my ook maar laat begaan as ek ander se goed steel - sonder om my daarvoor te straf?

..web-span se gedagtes _

Ons dink "..Vergeef ons ons oortredings  SOOS  ons ook dié vergewe wat teen ons oortree" beteken beslis nie dat as ek maar net oë toedruk en niemand ooit enige sonde toereken nie, sal God ook maar net oë toedruk en my ook nooit enige sonde toereken nie!

Die hele Skrif is vol bewyse dat dit verkeerd sou wees om dié teks só te interpreteer.

'n Mens hoef maar net te dink aan die "sagte" priester Eli wat sy seuns maar laat begaan het in hulle sonde toe hulle die volk van die Here uitgebuit het in die priesterdiens. (1Sam 3:11-14) 

Die Here het by monde van die seuntjie Samuel die hoogste straf, naamlik die doodstraf - nie net oor Eli se seuns nie, maar oor Eli self ook aangekondig! En dit het nie net by dreig gebly nie: Die Here het Eli en sy twee seuns, Hofni en Pinehas almal op dieselfde dag laat sterf - en daarmee bewys dat Eli se toeskietlikheid oor sy seuns se sonde die Here glad nie ewe toeskietlik gestem het nie!

Inteendeel, dit was júis Eli se toeskietlikheid wat die doodstraf oor hom gebring het! As hy geoordeel het dat sy seuns skreiend verkeerd optree, en nie net mooi gepraat en saggies geraas het nie, maar sy seuns ferm gestraf het - het God hóm nie met die dood gestraf nie! En dit nogal toe hy al 'n ou man was..

 Daarteenoor was dit juis die Leviete wat afgesonder is om by die tabarnakel van die Here te mag diens doen. Hoe dit so gekom het sê die Woord van die Here ook vir ons: Dit was die Leviete wat met die swaard ingeklim en links en regs hulle "broers," man, vrou en kind dood-gesteek het - dié wat die goue kalf aanbid het! Deurdat hulle bereid was om hulle mede-Israeliete wat  teen  die Here

sondig met hulle eie hande om die lewe te bring, het die Here aan hulle hierdie groot voorreg gegee! (Eks 32:27 tot 29)

Ons dink "..Vergeef ons ons oortredings  SOOS  ons ook dié vergewe wat teen ons oortree" beteken eerder dat ons alle mense moet vergewe net soos wat God ons vergewe hét! God het ons immer kláár vergewe! Maar as ons nie by Hom wil leer en ons medemens vergewe soos Hy ons vergewe hét nie sal Hy ons laat haal, Hy sal Sy vergifnis herroep - en oor ons ook oordeel volgens ons self uitgedinkte maatstawwe.

Dit is wat dié gelykenis van die Here Jesus in Matt 18:28-35 ons leer: "Toe daardie man buite kom, het hy een van sy medeamptenare raakgeloop wat hom net ’n paar rand geskuld het. Hy het hom gegryp en gewurg, en gesê: ‘Betaal wat jy skuld!’ Sy medeamptenaar het voor hom neergeval en hom gesmeek: ‘Gee my tog uitstel, ek sal jou betaal.’ Maar hy wou nie en hy is daar weg om hom in die tronk te laat gooi totdat hy die skuld betaal het. “Toe sy medeamptenare sien wat gebeur het, was hulle diep teleurgesteld, en hulle het alles wat gebeur het, vir hulle koning gaan vertel. Die koning het hom laat haal en vir hom gesê: ‘Jou skurk! Al daardie skuld  het  ek vir jou  afgeskryf  omdat jy my gesoebat het. Moes jy nie ook jou medeamptenaar jammer gekry het soos ek jou jammer gekry het nie?’ Die koning was woedend en het hom oorgegee om gemartel te word totdat hy al die skuld  betaal  het. “So sal my Vader wat in die hemel is, ook met julle maak as julle nie elkeen sy broer van harte vergewe nie.”

In Matt 6:9-12 leer die Here Jesus ons: “So moet julle bid: Ons Vader wat in die hemel is, laat u Naam geheilig word; laat u koninkryk kom; laat u wil ook op die aarde geskied, net soos in die hemel. Gee ons vandag ons daaglikse brood; en vergeef ons ons oortredings  SOOS  ons ook dié vergewe wat teen ons oortree”

Vra jouself af..

Kan jy regtig dié gebed saam met ons Here Jesus bid? Sien jy kans om deur God vergewe te word  SOOS  jy dié wat die ergste teen jou oortree vergewe?

Wil jy regtig hê God moet jou vergewe  SOOS  jy die mense vergewe het teen wie jy in die hof gaan getuig? Of wil jy deur God vergewe word  SOOS  jy die man sal vergewe wat jy in die tronk sal laat gooi as hy 'n gesinslid geweldadig verkrag? Sal jy nie boonop sy paroolaansoek teëstaan nie?

Is die maat waarmee jy meet vir dié wat teenoor jou oortree regtig van so 'n aard dat jy bid om self daarvolgens gemeet te word?

Bid jy nie dalk 'n ondraaglike oordeel oor jouself wanneer jy die woordjie  SOOS  in dié gebed oor jou lippe neem nie..?

Die "probleem" kom by die woordjie  "SOOS"  of hoe? Paulus wil tog seker ook nie in dieselfde eng sin deur God vergewe word  SOOS  wat hy vir Aleksander, die kopersmit "vergewe" het nie, of wat dink jy?

Loer gou weer wat skryf Paulus in 2Tim 4:14-16

Teks

•

2 Tim 4:14

2 Tim 4:16

Misdaad

•

Aleksander, die kopersmid, het my baie kwaad aangedoen. (Hy het ons prediking heftig teengewerk.)

Toe ek my die eerste keer voor die hof moes verdedig, het niemand my bygestaan nie; almal het my in die steek gelaat.

Paulus se gebed?

•

Mag die Here hom VERGELD vir wat hy gedoen het.

Mag God hulle dit NIE toereken nie!

Vir Wie

•

Aleksander

Medegelowiges

Ons sien die apostel Paulus vergewe nie eens vir Aleksander en die medegelowiges wat hom in die steek gelaat het eenders nie! As hy mense so verskillend vergewe, hoe sou hy tot ons Hemelse Vader kon bid: "Vergeef my my oortredings  SOOS  ek ook dié vergewe wat teen my oortree?"

..web-span se gedagtes _

Paulus bid dat God Aleksander sal vergeld. Vergelding vir sý oortredings is egter nie iets wat Paulus vir homsélf wil hê nie! - Hy het immers die Christene vervolg en laat doodmaak voor hy tot bekering gekom het!!

Enersyds kan mens redeneer dat Paulus self geen fisiese vergelding teen Aleksander geloots het nie, en dat hy daarom nie hoef te vrees om dieselfde fisieke behandeling te ontvang as wat Aleksander van hom ontvang het nie.

Andersyds sou mens kon sê: As Paulus vir Aleksander met die vuis bygedam het, dan het hy hom so hard geslaan as wat 'n sterflike man kan slaan - en dan kon hy dalk dieselfde soort "vergifnis" verwag; maar nou het Paulus gebid dat die Almagtige God wat met onbeperkte krag die heelal gevorm het vir Aleksander moet vergeld! As God dié gebed verhoor - dan "slaan" Hy vir Aleksander BAIE harder as wat Paulus ooit sou kon slaan as hy reg in eie hande geneem het! Paulus wil homself tog seker nie dié soort Goddelike pakslae toebid nie?

Paulus se gesindheid teenoor Aleksander is nie neutraal of 'n gesindheid van toegeneëndheid nie, maar 'n sug na vergelding! Selfs as God Paulus nooit fisiek straf nie, omdat hy nie reg in eie hande geneem het teenoor Aleksander nie, maar in die hiernamaals dieselfde gesindheid teenoor Paulus sou openbaar as wat Paulus teenoor Aleksander gevoel het, dan sou die hiernamaals vir Paulus in alle ewigheid maar 'n baie ondraaglike, kille plek moes wees..!!

Op die oog af rym Paulus se vergeldingsgebed en die eng vergifnis wat hy teenoor Aleksander openbaar nie met die Ons Vader gebed nie. Maar Paulus is nie alleen nie: Ons het immers gesien hoe die volmaakte gelowiges in die hemel na God uitroep om hulle dood te wreek op "die bewoners van die aarde!" Dit is tog mos ook nie hoe hulle vir hulleself vergifnis van God wil ontvang nie!

In Deel Drie van die studie was daar boonop ook nog die onderskeid wat Jesus vir ons aangedui het om te tref tussen oortreders wat berou het en oortreders wat nie berou het nie - en gevolglik as heidene en tollenaars behandel MOET word!

Ons wil tog nie hê God moet ons ook as heidene en tollenaars behandel as Hy ons ook in so 'n eng sin gaan vergewe SOOS ons dié beroulose mense "vergewe" het wat teen ons oortree het nie!

Waarskynlik moet mens die dreigende woordjie "SOOS" in die 5de bede van die Ons Vader gebed op 'n heel ander manier verstaan..?

..web-span se gedagtes _

Die Here Jesus se woorde in Matt 7:2 "Met  dieselfde  oordeel waarmee julle oor ander oordeel, sal oor julle geoordeel word, en met  dieselfde  maat waarmee julle vir ander meet, sal vir julle gemeet word" maak dat 'n mens BAIE versigtig moet wees ten opsigte van hoe jy ander vergewe!!

As 'n mens baie versigtig is en altyd bereid is om eerder die voordeel van die twyfel te gee waar daar enige twyfel mag bestaan, dan is dit egter nie nodig om bekommerd te wees nie. 

As 'n mens besluit oor jou optrede - of oor jou kragtige gebed teen iemand wat jou te na gekom het - dan moet jy bereid wees om dieselfde aangedoen of toegebid te word as jy die dag in die oortreder se skoene sou staan..

Nietemin hoef ons mos darem nie bekommerd te wees dat ons wat eenmaal deur die genade van God gered is ooit in 'n beroulose reeksmoordenaar of 'n geweldsverkragter se skoene sal staan nie!

En as die onmoontlike moontlik was, sodat ons as ware weergebore gelowiges ooit sou kon ontaard tot iets soos 'n gewetenlose en gevoellose monargis wat op ander trap en sy medemens uitbuit vir eie gewin, dan is ons gebed met die grootste vrymoedigheid: "Mag God ons liewer om die lewe bring!" want vanweë ons liefde vir ons Here en ons medemens wil ons self ook nie toegelaat word om 'n lewe van algehele ontaarding en verwoesting op die aarde te lei nie..

Ons soek 'n eenvoudige gevallestudie uit die alledaagse lewe wat ons kan help om dié "behandel ons  SOOS  ons ander behandel - al behandel ons uiteindelik NIE almal eenders nie" begrip beter te verstaan.. Miskien is die snelweg nét die plek waar ons só 'n vergelyking kan vind:

..web-span se gedagtes _

Ons verwag inderdaad van 'n verkeersman om niemand te bevoordeel nie en teen niemand te diskrimineer wanneer hy sy pligte uitvoer nie, maar om alle padgebruikers aan dieselfde standaarde te meet.

Verder verwag ons dat hy homself aan ewe streng wetstoepassing moet onderwerp wanneer hy van diens af is en die pad vir private doeleindes gebruik. Hy kan nie vir homself enige "spesiale" behandeling verwag nie, anders sal dit op korrupsie neerkom.

..web-span se gedagtes _

Ons verwag inderdaad van die apostel, Paulus om elkeen wat hom op die lewenspad te na kom aan dieselfde geestelike maatstaf te meet.

Verder verwag ons van hom dat hy bereid sal wees om homself aan 'n enerse maatstaf te laat meet wanneer hy 'n ander mens op die lewenspad te na kom.

..Daarom verbaas dit ons nie dat Paulus sy medegelowiges so maklik toebid dat God hulle nie hulle verkeerde optrede sal toereken nie.

Dit is egter ondenkbaar dat die geredde Paulus 'n ander mens vir wie Jesus gesterf het opsetlik op die lewenspad sou te na kom en dan boonop agterna geen berou sou toon nie, soos die geval met die hardvogtige Aleksander was wat Paulus-hulle se prediking heftig teëgegaan het.

..Daarom verbaas dit ons eweneens ook nie dat Paulus in dié beroulose antichris se geval die vrymoedigheid gehad het om Goddelike vergelding oor hom toe te bid nie.

Paulus weet immers goed hoe God - toe hy wat Saulus was destyds die gelowiges vervolg het, sy ou hart uitgeruk en sy oë blind gemaak het vir die pad wat hy toe geloop het. 

Hoe wonderlik is dit nie as die Groot Pottebakker 'n klei-mens se karakter kragdadiglik inmekaardruk en iets splinternuut daaruit vorm nie! Paulus begeer vir Aleksander ook dat God hom in sy spore sal stop en 'n einde sal maak aan die vervalle karakter waartoe hy ontaard het: 

In 1Tim 1:19-20 skryf Paulus die volgende oor Aleksander:  "Omdat sommige hulle gewete onderdruk het, het hulle geloof skipbreuk gely. Onder hulle is daar Himeneus en Aleksander, wat ek aan die Satan oorgegee het, sodat hulle daardeur kan leer om God nie te laster nie.

Wat die lig-kant en die diepere motief van hierdie vreesaanjaende uitdrukking is, word vir ons duidelik in 1Kor 5:4-5 waar Paulus